聽妳嘅掙扎 陪住妳抉擇
我哋聽到妳嘅需要，或者妳從來無諗過會意外懷孕，妳可能會覺得驚或唔知點算，但呢個唔係世界末日。妳仲有好多選擇，而無論妳做咩決定，我哋都會喺妳身邊，同妳一齊了解妳唔同嘅選項，提供妳需要嘅資訊，陪妳經歷呢段懷孕旅程，為妳嘅將來做最好嘅選擇。
我哋知道面對意外懷孕會感到迷茫，但我哋亦想俾妳知道，妳仲有唔同嘅選擇，我哋嚟一齊了解下意外懷孕嘅三個選擇：
自行撫養
為成為媽媽做好準備，為自己同 BB 計劃將來。
安排領養
為 BB 安排領養，務求能盡快為孩子搵到一個安全同關愛嘅永久家庭。
終止懷孕
假如妳唔能夠繼續懷孕，我哋可以為妳提供更多終止懷孕資訊。
無論妳經歷過啲咩，我哋都願意細心聆聽，並為妳嘅每個需要，送上每一步嘅支援。
Item 1 of 6
我哋好欣賞妳喺呢段艱難時期所展現出嘅勇氣，尤其係獨自面對嘅時候，難免會出現各種情緒。
但我地好想話比你知，
妳並唔係自己孤單一個。
妳並唔係自己孤單一個。
我哋嘅家舍唔單止係住宿嘅地方——更係一個滿載支持嘅大家庭。
我哋會同妳一齊制訂個人化嘅計劃，包括提供暫時嘅家舍、學業輔導、專業照料、支援服務，以至妳 BB 未來嘅決定等等。
妳可以放心將呢度當成妳第二個屋企。
認識我哋
由1987年開始，「母親的抉擇」一直都係意外懷孕少女嘅避風港，咁多年嚟抱著唔帶批判嘅關懷同支持，幫助過無數好似妳一樣嘅少女，喺絕望之中搵返希望。所以，如果妳覺得迷惘或者好驚唔知點算，請妳記住：妳並唔孤單，妳唔係一個人，我哋幾時都願意聽妳講，與妳同行陪妳抉擇。每次對話都係絕對保密。
